Parlamenti federal jugosllav në një sesion emergjent miratoi dorëheqjen e kryeministrit Zoran Zhizhiq dhe zyrtarëve të tjerë malazezë, të cilët kishin dhënë dorëheqje nga funksionet e tyre në shenjë proteste ndaj dorëzimit të Sllobodan Millosheviqit në Tribunalin e Kombeve të Bashkuara për krime lufte në hapësirën e Ish-Jugosllavisë. Presidenti i Jugosllavisë, Vojisllav Koshtunica, ndërkohë ka filluar bisedimet për formimin e Qeverisë së re.
