Zëvendës-kryeministri i Serbisë Nebojsa Covic, qëndroi sot në një vizitë disa orëshe në Graçanicë. Banorët e atjeshëm serbë kërkuan zbardhjen e fatit të personave të zhdukur, që sipas raporteve serbe vlerësohet të jetë diku rreth 1300 persona. Gjatë udhëtimit Covic shoqërohej nga ministri i Shëndetësisë, Obren Joksimoviç dhe politikani serb i Kosovës, Momçillo Trajkoviç, ndërsa përcillej nën masa të rrepta sigurie nga ana e KFOR-it.
