Graham Blewitt, zëvendës-prokuror i Gjykatës për Hetimin e Krimeve të Luftës me bazë në Hagë ka konfirmuar sot se, mbi tre ushtarakët boshnjakë të arrestuar dje, rëndojnë akuzat për krime lufte. Gjeneralët e tërhequr Mehmet Alagic dhe Enver Haxihasanovic si dhe oficeri i lartë, Amir Kubura, janë paditur në lidhje me aksionet e kryera prej tyre kundër serbëve, në Bosnjen Qendrore, gjatë viteve ‘93 dhe ‘94.
