Me kompletimin e raportit 35 mijë faqësh ku flitet për “reputacionin e shenjtërisë së saj”, ka përfunduar faza e parë e procedurave për shenjtërimin e Nënës Terezë. Relacioni mbi “jetën,virtytet dhe reputacionin e shenjtërisë”, i përpiluar pas dy vjet hulumtimesh, do të shqyrtohet në Vatikan javën e ardhshme. Fillimisht ai do ti jepet një paneli teologësh, kardinalësh dhe kryeipeshkvësh, e më pas do t’i kalojë Papës, i cili do të vulosë gjykimin final.
