Maqedonas të zhvendosur nga rajoni i Kumanovës kanë bllokuar vendkalimin kufitar të Tabanocit, midis Maqedonisë dhe RF të Jugosllavisë dhe kanë thënë se nuk do të lejojnë që automjetet e NATO-s dhe KFOR-it të shfrytëzojnë këte pikë kalimi. Protestuesit kanë thënë se nuk do të heqin barrikadën derisa autoritetet të plotësonin kërkesën e tyre për t’u kthyer në fshatrat e veta. Ndërkohë kryetari i Unionit të Bujqve të Maqedonisë Veljo Tantarov, ka thënë se të mërkurën ata do të bllokojnë edhe vendkalimet kufitare midis Maqedonisë dhe Shqipërisë në Stenje, Shën Naum dhe Qafë Thanë.