Parlamenti i Maqedonisë ka vazhduar edhe sot debatin vendimtar për implementimin e planit paqesor, të mbështetur nga Perëndimi për zgjidhje politike të krizës në vend. Ndonëse deputetë të VMRO-DPMNE-së kanë bërë fjalime të nxehta kundër të drejtave më të mëdha për shqiptarët, Marrëveshja pritete të kalojë provën e saj të parë në Parlament. Ambasadori i Shteteve të Bashkuara në Maqedoni, Michael Einik i ka deklaruar Radios Evropa e Lirë se ai ka vërejtur një rritje të mbështetjes për planin e paqes, pasi njerëzit kanë kuptuar hollësit e tij.
