Policia shqiptare filloi këto ditë një operacion të gjerë për verifikimin e të gjithë të huajve që jetojnë në vend, pas akteve terroriste të javës së kaluar në Shtetet e Bashkuara. Drejtori i përgjithshëm i policisë, kolonel Bilbil Mema, tha se hapa të ngjashëm janë ndërmarrë edhe në shumë vende të tjera të botës dhe kjo s'ka të bëjë me reputacionin e cënuar të Shqipërisë për gjoja praninë në vend të celulave apo individëve me prirje dhe të shkuar terroriste – raporton korrespondenti ynë në Tiranë.
