Ministri i jashtëm i Rusisë, Igor Ivanov, tha se asnjë mjet nuk duhet përjashtuar në fushatën kundër terrorizmit ndërkombëtar. Pas takimit me Sekretarin amerikan të Shtetit, Colin Powell, ministri i jashtëm rus, Ivanov, deklaroi se nuk kishin diskutuar rreth ndonjë aksioni konkret ushtarak, por se kishin cekur rëndësinë e të gjitha masave të tjera, me karakter diplomatik, financiar, politik për t’i bërë ballë problemit terrorizëm.
