Operacioni i NATO-s, “Korrje të domosdoshme”, ka hyrë në fazën e tretë dhe finale të tij, megjithë vonesat në procesin politik dhe miratimin nga ana e parlamentit të reformave kushtetuese. Zëdhënësi i NATO-s në Shkup, majori Barry Johnson, tha se trupat janë përgatitur të grumbullojnë armët nga guerrilasit në një qendër të hapur herët në mëngjes. Ndërkaq, deputetët në legjislativin e Maqedonisë, shtynë për sot në mëngjes seancën, por siç raportojnë agjensitë e lajmeve, punimet nisën vetëm pasdreke.
