Presidenti amerikan, George Bush, kumtoi se Shtetet e Bashkuara do të sigurojnë një ndihmë të re humanitare për popullin afganas në vlerë 320 milion dollarë. Në një fjalim në Departamentin e Shtetit, presidenti Bush u shpreh gjithashtu se administrata e tij nuk do të kishte mëshirë për terroristët dhe sponsorët e tyre. George Bush tha se beson që lufta kundër terrorizmit do të sigurojë një mundësi të re për të sjellë paqe në botë, si asnjëherë më parë.
