Misioni i ri i NATO-s në Maqedoni, “Dhelpra e Kuqërremtë”, zëvendësoi edhe formalisht sot, misionin e deritanishëm për grumbullimin e armëve “Korrje të domosdoshme”. Me mandat tre mujor dhe 1 mijë forca në dispozicion, operacioni i ri, do të mbrojë vëzhguesit e Organizatës për Siguri dhe Bashkëpunim Europian, OSBE, dhe Bashkimit Europian. Në prani të ministrit maqedonas të mbrojtjes Vllado Buçkovski, gjenerali danez, Gunar Lange, i dorëzoi komandën gjeneralit gjerman, Hains Georg Keerl.
