I pyetur se a kanë ekzistuar lidhje, ashtu siç kanë raportuar disa media, ndërmjet Ushtrisë Çlirimtare të Kosovës dhe Osama bin Ladenit, shefi i misionit në Kosovë të OSBE-së, Dan Everts ka deklaruar: “Ushtria Çlirimtare e Kosovës dhe shqiptarët e Kosovës janë të orientuar kah Evropa dhe Shtetet e Bashkuara dhe për shkak të qëndrimit të tyre proamerikan, nuk besoj se kanë kërkuar mbështetjen e forcave të tjera antiamerikane. Shqiptarët e Kosovës kanë orientim të fuqishëm pro-përëndimor, prandaj një lidhje e tillë nuk ka qenë e mundshme”.
