Policia e UNMIK-ut ka arrestuar dy serbë të Kamenicës, të cilët dyshohet të kenë vrarë gjatë natës së të enjtes, ushtarin rus, Stanisllav Ivanov. Personat e ndaluar janë Bllagoje dhe Vukosav Stanok, ndërsa mësohet se akti është kryer për motive të dobëta dhe me sa duket shkak ka qenë zënka rreth një gruaje – ka thënë një zëdhënës i misionit të Kombeve të Bashkuara në Kosovë.
