Lideri palestinez, Jaser Arafat dhe ministri i jashtëm izraelit, Shimon Perez, u takuan sot në kuadrin e një konference ekonomike në ishullin Majorka të Spanjës. Dy udhëheqësit diskutuan tërheqjen e trupave izraelite nga qytetet e Bregut Perëndimor. Perez sugjeroi që faza tjetër e tërheqjes të realizohej në fillim të javës së ardhshme, por të dyja palët theksuan se takimi i sotëm nuk ishte në kuadrin e negociatave serioze izraelito-paletineze për zgjidhjen e konfliktit.
