Presidenti jugosllav, Vojisllav Koshtunica, ka përsëritur thirrjen drejtuar serbëve të Kosovës, për të votuar në zgjedhjet e përgjithshme parlamentare të 17 nëntorit. “Dështimi në këtë hap të parë të madh, do të ishte mjaft i rrezikshëm, pasi bota do ta merrte si mesazh se Jugosllavia po heq dorë nga Kosova” – deklaroi në apelin e tij, Vojisllav Koshtunica, për të shtuar se asgjë nuk do ta thyente vendosmërinë e tyre për të mos lejuar, sic u shpreh, “spastrimin e Kosovës nga serbët”.
