I dërguari i Shteteve të Bashkuara në Lindjen e Mesme, shprehu sot gadishmërinë e Uashingtonit për të mbështetur izraelitët dhe palestinezët në synimet e tyre për arritjen e një paqeje të qëndrueshme. Ndihmës sekretari amerikan i Shtetit, Uilliam Bërns, pas bisedimeve në Kajro me presidentin egjiptian Hosni Mubarak, tha se vendosja e armë-pushimit është hapi i parë për krijimin e një shteti palestinez. Bërns bëri thirrje gjithashtu që rifillimit të negocijatave mes dy palëve, t’i paraprijë zbatimi i planit Micëll.
