Duke i cilësuar sulmet terroriste të 11 shtatorit “një parashikim të turbullt të asaj që mund të ndodhë”, Sekretari amerikan i Mbrojtjes, Donald Ramsfelld, i ka sinjalizuar vendet pjesëmarrëse në NATO për nevojën e parandalimit dhe luftimit të rrjeteve terroriste. Në sesionin hapës të takimit dimëror të ministrave të Mbrojtjes të Aleancës, Ramsfelld u kujtoi gjithashtu të pranishmëve se lista e vendeve që mbështesin terrorizmin gërshetohet me atë të vendeve që kanë armë biologjike dhe kimike e që kërkojnë tani armatime bërthamore.
