28 vjeçari, Richard Reid, i arrestuar në Shtetet e Bashkuara, i dyshuar se kishte synuar të shkaktoj një shpërthim në një aeroplan të udhëtarëve, duke bartur eksploziv në këpucët e tij, është një kriminel britanik, i cili u konvertua në fenë islame gjatë qëndrimit në burg. Gazeta britanike “The Times” në numrin e sotëm raporton se ky person mund të ketë lidhje me Osama bin Ladenin, të dyshuarin e parë për sulmet terroriste të 11 shtatorit kundër Shteteve të Bashkuara.
