Gjatë një fjalimi në Kaliforni, presidenti George Bush deklaroi se lufta në Afganistan ka hyrë në një fazë të rrezikshme. Presidenti amerikan i shprehu dhimbjen dhe ngushëllimet e tij, familjes së ushtarit Ros Çapman, të vrarë dje në Afganistan. Duke thënë se kauza për të cilën 31 vjeçari dha jetën është e drejtë dhe e rëndësishme, George Bush u kërkoi amerikanëve të tregohen të duruar deri në përfundim të luftës kundër terrorizmit.
