“Bota tanimë është e ndarë mes vendeve që strehojnë terrorizmin dhe atyre që e luftojnë atë” – ka deklaruar Shimon Peres pas bisedimeve me ministrin e brendshëm të Indisë. Ministri i jashtëm i Izraelit mbërriti paradite në Nju Delhi për të biseduar me zyrtarët indianë rreth synimeve të përbashkëta në çështjet e sigurisë dhe fushatës globale kundër terrorizmit. India dhe Izraeli u kërkojnë kundërshtarëve të tyre, përkatësisht Pakistanit dhe palestinezëve, të heqin dorë nga terrorizmi, para fillimit të bisedimeve të paqes.
