Hamid Karzai, rihapi sot ambasadën afgane në Emiratet e Bashkuara Arabe. Në kuadër të vizitave të ripajtimit në tre vendet që e patën njohur dikur regjimin Taliban, udhëheqësi i përkohshëm afgan, tha se shpreson që rihapja e ambasadës do të jetë “gurthemel për një miqësi të gjatë”.Agjensitë e lajmeve informojnë se Karzai e ngriti flamurin në një hotel të Abu Dabit, që do të shërbejë përkohësisht si strehë për misionin diplomatik afgan në Emiratet e Bashkuara Arabe.
