Presidenti George Bush ka paralajmëruar sërish Irakun, Iranin dhe Korenë e Veriut, se Shtetet e Bashkuara nuk do t’i lejojnë regjimet e këtyre vendeve të kërcënojnë mënyrën amerikane të jetesës. Gjatë një vizite në shtetin Viskontin, presidenti Bush tha dje se misioni i tyre është që të mos i lejojnë këto vende të zhvillojnë armë të shkatërrimit në masë apo të grupohen me organizata terroriste.
