Trupat ndërkombëtare dhe automjete të blinduara janë vendosur në aeroportin e Kabulit, në përpjekje për të ruajtur rendin pasi një turmë pelegrinësh myslimanë rrahu për vdekje dje ministrin afgan të aviacionit dhe turizmit, Abdul Rahman. Zyrtari u sulmua teksa përgatitej të nisej për në Indi dhe turma ju vërsul, e zemëruar nga fakti që ishte anulluar fluturimi për në Mekë. Policia u tregua e paaftë ta shpëtonte.
