Familjarët e shtatë viktimave të sulmeve terroriste të 11 shtatorit mbi qendrën Botërore të Tregtisë në Nju Jork, kanë plotësuar kërkesën për të hedhur në gjyq të akuzuarin kryesor për orkestrimin e atyre sulmeve, Osama bin Ladenin si dhe Irakun e Iranin. Ata kërkojnë mbi 100 miliardë dollarë dëmshpërblim. Juristi Tomas Mellën, tha se qëllimi është që të bllokohen llogaritë që mund të përdoren nga grupet terroriste për sulme të ardhshme vrastare.