Shefi për politikë të jashtme europiane, Havier Solana, deklaron se propozimi i paraqitur presidentit malazez, Millo Gjukanoviç, parasheh një Union të Serbisë dhe Malit të Zi. Gjithmonë sipas përfaqësuesit të lartë europian,- të cituar nga mediat malazeze,- ky union do të ketë vetëm një karrike në Kombet e Bashkuara, por Podgoricës do t’i lejohet të luajë një rol domethënës ndërkombëtar. Havier Solana thotë se një “mekanizëm mbrojtës” do të garantonte pamundësinë e Serbisë për të dominuar Malin e Zi.
