Sekretari i Përgjithshëm i NATOs, lordi George Robertson, tha gjatë vizitës së sotme në Lituani, se nuk është marrë ende një vendim për numrin e kandidatëve që do të anëtarësohen në NATO. Duke e quajtur vendimin për zgjerimin e Aleancës, një nga më monumentalët në historinë e Europës, Robertson qartësoi se plani për pranimin e anëtarëve të ri, do të diskutohet hollësisht vetëm në samitin e Pragës që mbahet në muajin nëntor.
