India do të vazhdojë të mbajë njësitë e saj ushtarake të mobilizuara në kufi me Pakistanin, derisa të bindet se rivali i saj bërthamor ka rreshtur tentativat për të mbështetur militantët islamikë që veprojnë kundër interesave të Indisë në Kashmir – ka deklaruar sot presidenti i këtij vendi. Zoti Naraynan shtoi më tej se janë të gatshëm të nisin dialogun, nëse gjejnë miratimin dhe vendosmërinë e Islamabadit për këtë proces.
