Zyrtari i kombeve të Bashkuara, Khaled Masur, thotë se nga tërmeti i djeshëm në provincën Samangan të Afganistanit, mund të kenë vdekur rreth 50 njerëz, ndërsa 100 konsiderohen të zhdukur. Tërmeti me fuqi 7.2 ballë të shkallës Rihter, u ndje në shumë rajone të Azisë Qendrore dhe Jugore, por epiqendra ishte në thellësi të tokës ndaj edhe dëmet ishin më të vogla. Lëkundje të tjera janë regjistruar sot në Pakistan, por ato kanë kaluar pa viktima.