Kryesuesi i Komisionit Europian, Romano Prodi, thotë se Konferenca e Donatorëve për Maaqedoninë që do të mbahet javën e ardhshme, do të hapë një epokë të re për stabilitetin e këtij vendi ballkanik. “Konferenca nuk është vetëm një mesazh ekonomik, por edhe mesazh stabiliteti si tregues se Maqedonia i përket komunitetit tonë” – deklaroi Romano Prodi pas takimit me presidentin Boris Trajkovski. Një diplomat citohet nga agjensia Reuters të ketë pohuar se Maqedonia pret të paktën 260 milion euro nga Konferenca.