Ministri i jashtëm iraken, Naxhi Sabri, i ka cilësuar “pozitive dhe konstruktive” seancën e parë të bisedimeve me sekretarin e Përgjithshëm të Kombeve të Bashkuara, Kofi Anan, rreth kthimit në Irak të inspektorëve për armatim të OKB-ve. Nga ana e tij Anan tha se zgjidhja që ai ka sugjeruar është e natyrës diplomatike. Zëdhënësi Fred Ekhard u shpreh se bisedimet e sotme kanë qenë shumë më të fokusuara se ato të zhvilluara me paraardhësin e zotit Sabri, më 26 dhe 27 shkurt të vitit të kaluar.
