Zëvendës-presidenti i Shteteve të Bashkuara, Dik Çejni, gjatë vizitës së sotme në Londër dhe takimit me kryeministrin britanik, Toni Bler, tha se nuk do të bëjë asnjë njoftim rreth ndonjë aksioni të mundshëm ushtarak kundër Irakut. Dik Çejni tha se qëllimi kryesor i misionit të tij në 12 vende të Evropës dhe Lindjes së Mesme, do të jetë inkurajimi i vendeve në Lindje të Mesme që të mos strehojnë Al-Kaidën dhe të mbështesin Shtetet e Bashkuara në luftën kundër terrorizmit.
