Pas mbërritjes në Arabinë Saudite, nën-presidenti amerikan, Dik Çejni, është takuar me mbretin Fahad ndërsa pritet të bisedojë edhe me princin e kurorës Abdullah, i cili është gjeneruesi i një propozimi, të pritur me mjaft interes, për zgjidhjen e konfliktit në Lindjen e Mesme. Më herët gjatë ditës zoti Çejni bisedoi me presidentin e Emirateve të Bashkuara Arabe, Sheikun Zajed bin Sulltan, i cili përsëriti kundërshtimin e vendit të tij kundër çdo sulmi të mundshëm ushtarak ndaj Irakut.
