Presidenti i Shqipërisë, Rexhep Mejdani, u ka bërë thirrje homologëve të tij nga vendet e Europës Jug-Lindore, të forcojnë marrëdhëniet rajonale, të luftojnë krimin e organizuar dhe të zgjidhin paqësisht konfliktet. Këto komente Mejdani i ka bërë në samitin ballkanik, ku janë tubuar shefat e shteteve apo qeverive nga Bosnja, Bullgaria, Greqia, Maqedonia, Jugosllavia, Rumania, Turqia, Kroacia dhe Shqipëria. Në samit merr pjesë edhe kryeadministratori i Kosovës, Mihajl Shtajner.
