Shtetet e Bashkuara kanë vënë sanksione simbolike kundër një kompanie dhe kundër Qeverisë së Koresë Veriore për eksportimin e komponenteve raketore me rreze të mesme dhe të gjërë veprimi, ka kumtuar qeveria amerikane. Këto sanksione u bënë në një kohë të ndjeshme kur po bëhen përpjekje që të ripërtrihet dialogu ndërmjet Uashingtoni e Koresë Veriore, të cilën presdienti amerikan, George Bush e quajti pjesë të “boshtit të së keqes” për shkak të akuzave lidhur me përkrahjen e grupeve teroriste dhe programeve për zhvillimin e armatimit për shkatërrim masiv.
