Ndërlidhjet

Jansha: NATO në Kosovë edhe vitet e ardhshme


Bashkimi Evropian pret që NATO-ja të qëndrojë në Kosovë deri në pesë vitet e ardhshme, krah misionit policor të BE-së që pritet të vendoset muajt e ardhshëm.

"Me siguri do të ketë reduktim gradual të trupave, por NATO do të mbetet atje gjatë tre, katër ose pesë viteve të ardhshme" tha kryeministri i Sllovenisë Janez Jansha, vendi i të cilit kryeson me Bashkimin Evropian.

Në një intervistë për televizionin France 24 ai tha se mendon që misioni EULEX do të vendoset gjatë këtij viti.

"Mendoj se të gjithë e shohin se ky është një proces që nuk mund të ketë kthim prapa" tha Jansha.
XS
SM
MD
LG