Clinton fiton në Porto Riko, por Obama kryeson

Senatorja Hillary Clinton ka fituar garën presidenciale brenda demokratëve amerikanë në shtetin e Porto Rikos.
Clinton fitoi me 68% të votave krahasuar me 32% që morri rivali i saj, senatori Obama.

Senatori Barack Obama vazhdon të kryesojë me delegatë përballë Hillary Clintonit dhe i mungojnë vetëm 48 delegatë nga numri i nevojshëm për të fituar kandidimin e partisë.

Gara brenda demokratëve përfundon të martën me votimet në Montana dhe Dakotën e Jugut. Kuvendi i Përgjithshëm i Partisë Demokratike do të mbahet në muajin gusht.