Hyseni-Roqan flasin për raportet Kosovë-Mal i Zi

Ministrat e Jashtëm të Kosovës dhe të Malit të Zi diskutuan sot rreth marrëdhënieve ndërmjet dy vendeve, njoftoi Ministria e Jashtme e Kosovës.

Skender Hyseni dhe Milan Roqan u takuan në Kollashin, gjatë konferencës "Ballkani në Evropë", që organizohet nga Projekti për Marrëdhënie Etnike.

"Takimi ishte miqësor dhe i përshkuar nga nivel i lartë i mirëkuptimit reciprok", thuhet në komunikatën e Ministrisë së Jashtme të Kosovës.