Një juri në Shtetet e Bashkuara ka shpallur fajtorë pesë persona për komplot të vrasjes së ushtarëve amerikan në bazën ushtarake në Fort Dix të New Jersey. Tre shqiptarë, një turk dhe një jordanez u liruan nga akuza tjetër për tentim vrasje.
Ata mund të dënohen me burgim të përjetshëm në vendimin që do të shpallet në prill të vitit të ardhshëm. Prokurorët thanë se personat që u arrestuan në Maj të 2007, ishin të inspiruar nga Al Kaida dhe dëshironin të zhvillonin luftën e shenjtë islamike në Shtetet e Bashkuara.
