Rusia e ka përshëndetur vrasjen e kreut të rrjetit terrorist Al Kaida, Osama bin Laden, duke e cilësuar "sukses të madh", dhe ka shtuar se dëshiron të forcojë bashkëpunimin me SHBA-të në luftën kundër terrorizmit.
"Kremlini e përshëndet vrasjen e suksesin serioz të cilin SHBA-të e kanë arritur në luftën kundër terrorizmit ndërkombëtar", transmetuan agjencitë ruse deklaratën e presidentit Dimitrij Medvedev.
"Rusia është ndër vendet e para që janë ballafaquar me kërcënimin nga terrorizmi global", thuhet në komunikatë.