12 të vrarë nga sulmi me raketa në Pakistan

Një aeroplan i teledirigjuar pa ekuipazh, i cili dyshohet të jetë i Shteteve të Bashkuara, ka hedhur raketa në drejtim të një kampi trajnues, të udhëhequr nga lideri i talibanëve të Pakistanit, Bajtullah Mehsud.

Zyrtarët e inteligjencës thanë se gjatë sulmit, i cili ndodhi në Makin, në zonën jugore të Vaziristanit, afër kufirit me Afganistanin, janë vrarë 12 militantë.

Zyrtarët pakistanezë besojnë se Mehsud është në radhën e të vdekurve.

Që nga gushti i vitit të kaluar, Shtetet e Bashkuara kanë lansuar më shumë se 40 raketa kundër caqeve në këtë rajon kufitar.

Pakistani zyrtarisht i kundërshton këto sulme, duke i cilësuar si shkelje të sovranitetit të tij.