Italia i dha lamtumirën e fundit gjashtë ushtarëve të vet që u vranë në Kabul me ditën e zisë kombëtare.
Mijëra italian u radhitën nëpër rrugët e Romës ku kaloi autokolona me automjetet ushtarake që i bartnin kufomat e ushtarëve.
Në ceremoninë mortore morën pjesë edhe presidenti dhe kryeministri i vendit.
Ushtarët italianë humbën jetën nga një sulm vetvrasës në Kabul, i cili u mor përsipër nga talibanët.
Mbi 3.000 ushtarë italianë veprojnë në Afganistan në kuadër të forcës shumëkombëshe të NATO-s.
