Ish presidenti i Finlandës, Marti Ahtisari ka deklaruar se Kosova është dhe do të mbetet shtet i pavarur.
Fituesi i Çmimit Nobel për Paqe i bëri këto komente në Nju Jork, ku u nderua me çmimin “Duart e Shpresës” nga Këshilli Kombëtar Shqiptaro-Amerikan.
Në ceremoninë, ku ishin të pranishëm presidenti i Kosovës, Fatmir Sejdiu dhe kryeministri i Shqipërisë, Sali Berisha, Ahtisari tha se “me pavarësinë e Kosovës u përmirësua një gabim historik”.
