Raportohet se Polonia dhe Franca planifikojnë një thirrje të përbashkët për të provuar që regjisori Roman Polanski të lirohet nga arresti në Zvicër, ku ai ballafaqohet me dorëzim në Shtetet e Bashkuara për akuza se ka pasur seks me një vajzë 13 vjeçare në vitin 1977 në Los Anxhelos.
Agjencia e lajmeve e Polonisë, PAP, ka transmetuar fjalët e ministrit të Jashtëm, Radek Sikorski, se ai së bashku me kolegun francez, Bernar Kushner, planifikojnë të kërkojnë nga autoritetet zvicerane që ta lirojnë 76-vjeçarin Polanski dhe të kërkojnë falje për regjisorin e njohur nga presidenti amerikan, Barak Obama.
Regjisori Polanski u arrestua dje në Zvicër, ku kishte shkuar për të marrë pjesë në një festival të filmit në Cyrih.