Persona të armatosur kanë sulmuar një nga bazat e ushtrisë pakistaneze në të dalë të kryeqytetit Islamabad. Agjencitë e lajmeve njoftojnë se një numër trupash kanë mbetur të rrethuar dhe po kundërpërgjigjen.
Përleshjet e sotme vijnë pas sulmit të djeshëm në Peshauar ku humbën jetën 50 njerëz e u plagosën mbi 100 të tjerë. Prej muajsh Pakistani është i përfshirë në një betejë të ashpër kundër militantëve dhe bazave të Al Kaidës përgjatë kufirit me Afganistanin.
