Sekretari i përgjithshëm i NATO-s, Anders Fog Rasmusen do të udhëtojë në Moskë në muajin dhjetor ku do të kërkojë bashkëpunimin e Rusisë në fushatën luftarake në Afganistan.
Zëdhënësi i NATO-s, Xhejms Apathurai tha se “vizita, e cila do të realizohet nga 15 deri 17 dhjetor, do t’i mundësojë atij që t’i diskutojë, ndoshta t’i çojë përpara marrëdhëniet NATO-Rusi në kuptimin e bashkëpunimit konkret, me Afganistanin në krye të listës”.
