"Reagim fillestar" i Iranit për marrëveshjen bërthamore

Agjencia Ndërkombëtare për Energji Bërthamore ka bërë të ditur se ka marrë një “reagim fillestar” nga Irani për marrëveshjen bërthamore me fuqitë botërore.
Agjencia iraniane e lajmeve ka cituar emisarin e Iranit në agjenci, Ali Asgar Soltanei, të ketë thënë se Teherani ka kërkuar amandamente teknike dhe ekonomike.
Më heret, presidenti Mahmud Ahmedinexhad ka thënë se Irani është i gatshëm të bashkëpunoj për marrëveshjen bërthamore me Shtetet e Bashkuara, Rusinë dhe Francën, por duke kërkuar nga ata që të përmbushin zotimet e tyre.