Gjykata franceze ka urdhëruar ngritjen e procesit kundër ish presidentit Zhak Shirak mbi akuzat për korrupcion, përkatësisht keqpërdorim të fondeve dhe “shkeljes së besimit”.
Pretendohet se Shirak ka keqpërdorur paratë e shtetit në kohën kur ishte kryebashkiak i Parisit në periudhën 1977 – 1995 duke punësuar aleatët e vet politikë në vende pune të shpikura.
Shirak i ka hedhur poshtë të gjitha akuzat.
Nuk është e sigurtë nëse ai do të dalë para gjykatës, për shkak se prokuroria në Paris ka kërkuar që procesi kundër tij të ndërpritet.
