Ministri i jashtëm britanik David Miliband po zhvillon një vizitë dy ditore në Rusi. Gjatë ditës së djeshme ai u takua për bisedime jo zyrtare me homologun e tij rus Sergei Lavrov.
Bisedimet Miliband-Lavrov do të vazhdojnë edhe gjatë ditës së sotme, ku Miliband do të takohet edhe me përfaqësues të biznesit rus.
Miliband është i pari ministër i jashtëm britanik që viziton Rusinë në pesë vitet e fundit.
Raportet mes dy vendeve u acaruan veçanërisht pas helmimit në Londër të ish agjentit të shërbimit sekret rus Aleksandër Litvinjenko. Rusia nuk pranoi kërkesën britanike për të dorëzuar të kërkuarin rreth këtij rasti, Andrei Lugovoin.