Britania bëri thirrje për vendosjen e një takse sigurie ndaj transakcioneve financiare ndërshtetërore për të ndihmuar parandalimin e krizave globale ekonomike në të ardhmen.
Duke folur në takimin e Ministrave të Financave dhe krerëve të bankave qendrore të G 20, kryeministri Gordon Braun tha se masat e tilla do ta zgjëronin stabilitetin e sistemit financiar ndërkombëtar.
Në takimin dy ditor në qytetin skocez St. Andrews, kreu i Thesarit Alister Darling do t’u kërkojë vendeve anëtare të G 20 të arrijnë marrëveshje që t’a mbajnë barrën e shpenzimeve për luftimin e ndryshimeve klimatike, para samitit të Kopenhagës që do të mbahet në dhjetor.
Në grupin G 20 bëjnë pjesë Afrika e Jugut, Arabia Saudite, Argjentina, Australia, Brazili, Britania, Kanadaja, Franca, Gjermania, India, Indonezia, Italia, Japonia, Korea e Jugut, Meksika, Rusia, Shtetet e Bashkuara, Turqia dhe presidenca e radhës e Bashkimit Evropian.
