Ish presidenti sovjetik Mikail Gorbaçov ka bërë thirrje për marrëdhënie më të mira mes Bashkimit Evropian dhe Rusisë. Gorbaçovi i bëri komentet gjatë një takimi në Berlin të fituesve të çmimit Nobel për Paqe.
“Bashkimi Evropian ende nuk e ka vendosur se çfarë Rusie dëshiron të shikojë”, tha Gorbaçov për të shtuar se BE-ja ende ka “një lloj droje” nga Rusia.
Duke iu përgjigjur Gorbaçovit, Zhose Manuel Barroso, kreu i Komisionit Evropian tha se BE-ja dëshiron “një Rusi të fortë, të qëndrueshme dhe të përparuar, që bazohet në shtetin ligjor dhe respektimin e të drejtave të njeriut”.
